ਮੁਆਫ਼ ਕਰੀਂ ਯਾਰਾ

ਤੇਰੇ ਪਿੰਡੋਂ ਮੇਰੇ ਸ਼ਹਿਰ ਆਈਆਂ ਜੋ ਹਵਾਵਾਂ,

ਮੈਨੂੰ ਉਹਨਾਂ ਵਿੱਚੋਂ ਈਰਖਾ ਦੀ ਆਈ ਯਾਰਾ ਬੋਅ ।

ਨਿੱਕੇ ਹੁੰਦਿਆਂ ਦੀ ਸਾਡੀ ਆੜੀ ਸੱਥ ਖੇਡਦਿਆਂ ਦੀ,

ਆੜੀਆਂ ਦਾ ਆਉਦੈਂ ਹੈ ਉਮਰ ਭਰ ਮੋਹ ।

ਮੈਂ ਤਾਂ ਤੈਨੂੰ ਆਪਣਾ ਹੀ ਸਮਝਿਆ ਰੂਪ ਸਦਾ,

ਅੱਜ ਪਤਾ ਲੱਗਾ ਤੂੰ ਬਣਾਈ ਬੈਠਾ ਦੋ ।

ਮੰਜ਼ਿਲਾਂ ਦੇ ਵੱਲ ਆਪਾਂ ਤੁਰੇ ਸਾਂ ਇਕੱਠੇ ਕਦੇ,

ਪਛੜ ਗਿਆ ਤੂੰ ਓਦੋਂ ਮੈਥੋਂ ਕਈ ਕੋਹ ।

ਤੈਨੂੰ ਨਾਲ ਤੋਰਨ ਦੀ ਕੋਸ਼ਿਸ਼ ਤਾਂ ਕੀਤੀ ਸੀ ਮੈਂ,

ਔਖੇ ਪੈਂਡੇ ਵੇਖ਼ ਤੂੰ ਤਾਂ ਗਿਆ ਸੈਂ ਖਲੋਅ ।

ਮੇਰੇ ਵਾਹਿਗੁਰੂ ਨੇ ਮੈਨੂੰ ਰੰਗ ਭਾਗ ਲਾਏ,

ਹੋਏ ਸੁਪਨੇ ਸਾਕਾਰ ਜੋ ਸਾਂ ਤੁਰਿਆ ਸਜੋ ।

ਭਾਵੇਂ ਮੈਂ ਤਰੱਕੀਆਂ ਦੀ ਟੀਸੀ ਵੇਖ਼ ਆਇਆ,

ਪਰ ਤੇਰੇ ਬਾਰੇ ਸੋਚ ਮੇਰੀ ਰਹੀ ਸਦਾ ਓਹ ।

ਮੈਨੂੰ ਮੇਰੀ ਜ਼ਿੰਦਗੀ ਦੇ ਨਾਲ ਨਾ ਸ਼ਿਕਾਇਤ ਭੋਰਾ,

ਮਿਲ ਗਿਆ ਓਦੂੰ ਵੱਧ ਲੋੜਦਾ ਸਾਂ ਜੋ ।

ਗਰੀਬ ਕਿਰਸਾਨੀ, ਇੱਕ ਛੋਟਾ ਮਜਦੂਰ ਹੀ ਸਾਂ,

ਘੁੰਮ ਬੈਠਾਂ ਦੁਨੀਆਂ ਨੂੰ, ਜ਼ੈਲੀ ਜ਼ੈਲੀ ਹੋ ।

ਤੇਰੇ ਲਈ ਜ਼ਿੰਦਗੀ ਦੇ ਮਾਪਦੰਡ ਹੋਰ ਹੋਣੇ,

ਪੈਸਾ, ਕਾਰਾਂ, ਬੰਗਲੇ ਜਾਂ ਲੋਕਾਂ ਉੱਤੇ ਰੋਹ ।

ਮੂੰਹੋਂ ਕੱਢੀ ਗੱਲ ਪੌਣਾ ਪਹੁੰਚਾ ਦਿੰਦੀਆਂ ਨੇ,

ਪਿੱਠ ਪਿੱਛੇ ਮਹਿਫ਼ਲਾਂ ’ਚ ਹਾੜਾ ਨਾ ਬਗੋਅ ।

ਰੋਹਬ ਜਿਹਾ ਜਮਾਉਣ ਲਈ, ਨਵਿਆਂ ਤੇ ਛਾਉਣ ਲਈ,

ਨਿੰਦਿਆ ਦਾ ਤਾਣਾ ਬਾਣਾ ਬਹਿ ਗਿਆ ਪਰੋਅ ।

ਯਾਰ ਬਾਹਾਂ ਹੁੰਦੇ ਨੇ ਭਰਾਵਾਂ ਨਾਲੋਂ ਵੱਧ ਨੇੜੇ,

ਯਾਰ ਨਾਲ ਯਾਰ ਨਾ ਕਮਾਉਂਦੇ ਨੇ ਧਰੋਹ ।

ਮੇਰੇ ਇਹ ਗੱਲਾਂ ਯਾਰਾ ਚਿੱਤ ਚੇਤੇ ਹੈ ਨਾ,

ਜਿਹਨਾਂ ਗੱਲਾਂ ਪਿੱਛੇ, ਤੂੰ ਕਰਵਾਈ ਤੋਹ ਤੋਹ ।

ਤੇਰੇ ਲਈ ਤਾਂ ਮੈਂ ਸਦਾ ਰਿਹਾ ਜਰਨੈਲ,

ਤੂੰ ਹੀ ਸੌੜੀ ਸੋਚ ਦੇ, ਰਾਹਾਂ ’ਚ ਗਿਆ ਖੋਅ ।

ਯਾਰਾਂ ਦਾ ਹੈ ਯਾਰ, ਤੇਰਾ ਯਾਰ "ਘੁਮਾਣ",

ਮੁਆਫ਼ ਕਰੀਂ ਯਾਰਾ, ਮੈਥੋਂ ਖਤਾ ਗਈ ਜੇ ਹੋ ॥

ਲੇਖਕ : ਜਰਨੈਲ ਘੁਮਾਣ

Email : ghuman5577@yahoo.com

Contact No : 098885-05577

Posted By : Jarnail Ghuman

**********************************************************

 About jarnail ghuman key words : jarnail singh ghuman , punjabi geet- sangeet, punjabi song/ songs,deshi punjabi song, punjabi music, punjabi Films ,sada punjab,apna punjab, mera punjab , rangla punjab,jatt punjabi, sher punjabi, punjabi jokes .punjabi virsa ,punjab news, punjabi articles, punjabi stories, punjabi books, aapna punjab.com, sur sangam , cmc , studio sur sangam, punjabi chutkale , virsa , virasat , apna pind , kabbadi, news, punjabi music album , punjabi video .media junctions.